Wafuasi wa Bobi Wine kufikishwa katika mahakama ya kijeshi

October 16, 2020

Hata hivyo, wanasiasa mbalimbali wamelezea kesi hiyo kuwa ya kisiasa inayolenga kuwatia hofu na mashaka wafuasi wa Kyagulanyi almaarufu Bobi Wine katika kipindi hiki cha kuelekea uchaguzi mkuu. 

Wafuasi hao  132 walikamatwa siku mbili zilizopita wakati polisi na majeshi walipovamia makao makuu ya chama hicho na kutwaa kofia aina ya bereti, mavazi mbalimbali na pia picha za mgombea urais mtarajiwa Robert Kyagulanyi al maarufu Bobi Wine. Wafuasi 50 walikamatwa kwenye makao makuu hayo, 38 kwenye mtaa wa Kamwokya na wengine walikamatwa katikati ya mji kwenye biashara zao wakishona mavazi mekundu.

Uganda Kampala Festnahme Bobi Wine (Getty Images/AFP/Stringer)

Ofisi za Bobi Wine zilivamiwa na nyaraka zake kuporwa

Aidha inadaiwa watu hao wameanza kujenga tabia ya kijeshi kwa kubuni kile kinachodaiwa kuwa kikosi. Akizungumza kwa njia ya simu na DW, msemaji wa majeshi Brigedia Flavia Byekwaso amefafanua kuwa watu hao wanachukuliwa kujihusisha katika kuvunja sheria za kijeshi na ndiyo maana watafikishwa katika mahakama ya kijeshi

Msemaji wa polisi eneo la Kampala Patrick Onyango ameongezea kuwa vitendo vya vijana kuvalia nembo na mitindo ya kijeshi imezidi licha ya onyo kutolewa mara kadhaa. Hata hivyo viongozi mbalimbali wa kisiasa wametaja kamatakamata ya wafuasi wa Bobi Wine kuwa hila ya utawala kuwatia hofu wafuasi wake na kuendelea kutatiza mandalizi ya chama cha NUP. 

Wakati huohuo, mahakama imeahirisha maamuzi kuhusu kesi ya uhalali wa chama cha NUP ambayo yangetolewa leo. Maamuzi hayo yamesubiriwa kwa hamu na ghamu na wafuasi na wagombea wa chama hicho ili kubaini kama hatashiriki katika uchaguzi au la. Maamuzi hayo ndiyo yatamhakikishia Bobi Wine kama ataweza kuwania urais kwa tiketi ya chama hicho, vinginevyo huenda asiidhinishwe kugombea.

Mwandishi: Lubega Emmanuel/DW Kampala

Source link

,

Article Categories:
Habari

Leave a Reply

Your email address will not be published. Required fields are marked *